شعبہ پنجابی

پنجابی صوفیاں اتے گورواں دی بولی اے۔پنجابی دی رلتی دنیا دیاں وڈیاں زباناںوچ ہوندی اے۔پنجابی ڈیپارٹمنٹ باباگورونانک یونیورسٹی ننکانہ صاحب دا پرمکھ ڈیپارٹمنٹ اے۔پنجابی شعبے داے قیام دا مقصد پنجابی بولی ،ساہت تے سبھیا چار دے کھیتراں وچ اچیری کھوج دا اپرالا کرن اے۔ایس توں اڈ نویں پیڑھی نوں ماں بولی اتے پنجابی سبھیا چار نال جوڑنا ایس شعبے دے قیام دا مڈھلا ٹیچا اے۔ایہہ ای وجہ اےایس منتو ہت ڈیپارٹمنٹ وچ پڑھائی تے کھوج دے پہلواں نوں اگے رکھن دے نال ودیارتھیاں نوں پنجابی دیاں لپیاں شاہ مکھی گورومکھی سکھان دا پربندھ کیتا گیا اے ۔ایس توں اڈ ایس شعبے وچ بی ایس دے پڑھیاراں نوں عملی طور تے ادب رچن دے تخلیقی عمل نال جوڑن داآہر کیتا جاندا اے تاں جے ودیارتھی آن والے سمے اندر اپنی ماں بولی پنجابی دی سوہنے ڈھنگ نال سیوا کر سکن۔پنجابی ادب کیوں جے جگ دا انملا ادب اے ایس لئی ڈیپارٹمنٹ دا مقصد اے وی اے پئی پنجابی زبان ادب اتے اتہاس نوں جگ دے مڈھلے قدیم ادب ہون کارن دوجیاں بھاشاواں دے ادب نال ٹکراواں تول کروان اے۔شعبہ پنجابی دا مقصد پنجابی زبان وادب نوں ودھا دین دے نال ایس دے انملے اتہاس دی اچیچتا نوں وی ساہمنے لیاونا اے۔پنجابی بھاشا نہ نری اک بھاشا اے سگوں حیاتی دیاں مڈھلیاں حقیقتاں اتے رویاں دی عکاسی کرن دے نال ساڈے سبھیا چار اتے اتہاس دی سنجھان دا مڈھلاسوما اے۔